Vraket HMS ”Bittern” blir tømt for olje

Kystverket er på plass i Namsos med fartøyet NSO ”Crusader”, eitt av fartøya i den statlege slepeberedskapen i Nord-Noreg. Dette fartøyet er operasjonsplattforma under arbeidet. Vraket skal tømmast ved hjelp av ein miniubåt. Først borar ein eit hòl i skroget og deretter blir oljen pumpa om bord i overflatefartøyet. Sjølve operasjonen med å tømme vraket for olje er rekna å ta i underkant av to veker.

- Eg er glad for at Kystverket no er i gang med å tømme vraket HMS ”Bittern” ved Namsos for olje. Lekkasjar av olje frå vrak kan vere ein trussel mot naturen, og lekkasjen frå HMS ”Bittern” er det nødvendig å handtere raskt, seier fiskeri- og kystminister Lisbeth Berg-Hansen.

Les mer